Әгерҗе хәбәрләре
  • Рус Тат
  • Әйдәгез, агач утыртырга

    Татарстанда 25 апрельдән "Урман утырту" акциясенә старт бирелә. Туган төбәгебезне яшелләндерү быел ничек башкарылачак? Әгерҗе урман хуҗалыгы җитәкчесе Равил ИМАНГОЛОВтан шул турыда сөйләвен үтендек. -Татарстанда 2011 елдан башлап язын һәм көзен урман утырту акцияләре үткәрелә. Быел ул 25 апрельгә һәм 4 октябрьгә билгеләнде. Бу эштә урманчылардан тыш туган төбәгенең экологиясенә,...

    Татарстанда 25 апрельдән "Урман утырту" акциясенә старт бирелә. Туган төбәгебезне яшелләндерү быел ничек башкарылачак? Әгерҗе урман хуҗалыгы җитәкчесе Равил ИМАНГОЛОВтан шул турыда сөйләвен үтендек.
    -Татарстанда 2011 елдан башлап язын һәм көзен урман утырту акцияләре үткәрелә. Быел ул 25 апрельгә һәм 4 октябрьгә билгеләнде. Бу эштә урманчылардан тыш туган төбәгенең экологиясенә, табигатьне саклауга өлеш кертергә тырышкан һәркем - өлкәннәр дә, эшче-хезмәткәрләр дә, укучылар да, хәтта әти-әниләре, әби-бабалары белән нәниләр дә катнаша ала. Үз куллары белән агач утырткан кешенең беркайчан да аңа балта чапмасына, сындырмасына иманым камил. Агач утырту акциясе кешедә экология культурасы, табигатькә сакчыл караш тәрбияли. Шуңа күрә бу мөһим эшкә балаларны да тартырга тырышыгыз, агач утыртканда аларны ярдәм итеп торырга алып чыгыгыз.
    Әгерҗе районы авыллары һәм шәһәребез 24-25 апрельдә агач утырту акциясенә кушылачак. Барлыгы 1800 төп агач һәм куак утыртырга планлаштырабыз. Урманчыларыбыз Әгерҗедән Иж-Бубыйга кадәр арада юл буена агачлар утыртачак. Тимер юл вокзалы каршындагы мәйданга быел да агачлар утырту дәвам итә. Җиңү скверына зәңгәр чыршылар утыртырга ниятләп торабыз. Якшәмбе храмы христианнары үзләренә бирелгән яңа мәйданнарга да миләш, юкә утыртырга җыеналар. Красный бор участок урманчылыгының урман фондында 12870 нарат һәм чыршы үсентеләре утыртылачак. Шәһәребез һәм авылларыбыз урамнарына, юл буйларына барлыгы 2130 төп үсенте - миләш, юкә, гөлҗимеш, алмагач, сирень, шомырт, каен, нарат утырту тормышка ашырылачак. Бу эшләрне Җиңүнең 70 еллыгына төгәлләп бетерергә кирәк.
    Шунысын да искәртеп узам: агач утырту - бик изге эш. Аны карап-тәрбияләп, коры булганда су сибеп, чүбен утап торуны да онытмасагыз иде. Еллар узгач та үзегез утырткан агачка карап, оныкларыгызга мин утырткан агач, әнә, ничек шаулап үсә дип горурланып әйтерлек булсын.
    Хөрмәтле әгерҗелеләр, әйдәгез, 24-25 апрельдә барыбыз да агач утыртырга чыгыйк!

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: