Аттестатлар ике атна дәвамында әзер булачак

Бу уку елының чыгарылыш сыйныф укучылары июньнең беренче атнасында аттестатлар алачак. шул исәптән, алтын медальләргә дәгъва кылучы укучылар да. Бу хакта «Вконтакте» берләшмәсендә туры эфирда мәгариф министры Сергей Кравцов сөйләде.

Аттестация процедурасына үзгәрешләр кертелүгә карамастан, унберенче сыйныф укучылары аттестат һәм «Укудагы аерым уңышлары өчен» алтын медален алачак. Аттестатлар 15 июньгә кадәр бирелер дип планлаштырыла.

Исегезгә төшерәбез, 2019/2020 уку елында Россия мәктәпләренең унберенче сыйныфын тәмамлаучылар бары тик вузга керү өчен кирәк булган предметларны гына тапшыра. Аттестация агымдагы бәяләүләр буенча узачак.

Фото: архивтан