Әгерҗе хәбәрләре
  • Рус Тат
  • Чыгарылыш сыйныф укучыларын район җитәкчелеге котлый

    Кадерле чыгарылыш сыйныф укучылары, хөрмәтле укытучылар һәм әти-әниләр! Барыбыз өчен дә шатлыклы һәм дулкынландыргыч мизгелләр килеп җитте. Районыбызның 149 егет һәм кызын чын күңелдән мәктәп тәмамлаулары һәм кулларына өлгергәнлек аттестатлары алу белән чын күңелдән котлыйбыз. Мәктәп тиешле белем һәм тәрбия биреп кенә калмады, ул сезгә шәхес буларак үсәргә, талант һәм...

    Кадерле чыгарылыш сыйныф укучылары, хөрмәтле укытучылар һәм әти-әниләр!

    Барыбыз өчен дә шатлыклы һәм дулкынландыргыч мизгелләр килеп җитте. Районыбызның 149 егет һәм кызын чын күңелдән мәктәп тәмамлаулары һәм кулларына өлгергәнлек аттестатлары алу белән чын күңелдән котлыйбыз.

    Мәктәп тиешле белем һәм тәрбия биреп кенә калмады, ул сезгә шәхес буларак үсәргә, талант һәм сәләтләрегезне ачарга ярдәм итте. Хәзер сез, киләчәккә зур планнар корып, олы тормышка аяк басу чорында торасыз. Һәрберегезгә үз юлын табарга һәм максатына ирешергә язсын. Ә мәктәптә алган белемнәрегез уй-хыялларыгызны тормышка ашырырга, һичшиксез, ярдәм итәр. Яшьлек елларыгызның да кадерен белегез һәм алда көткән зур тормышны матур итеп башларга тырышыгыз!

    Югары уку йортларын тәмамлагач сезне туган Әгерҗебездә көтеп калабыз. Безгә белемле, яңа мәгълүмати технологияләрне белүче, заман белән бергә атлаучы, матур идеяләре булган белгечләр бик кирәк. Кайда гына белем алсагыз да, нинди генә уңышларга, дәрәҗәләргә ирешсәгез дә, чишмә башыгызны - Әгерҗе җирен, туган авылыгызны, әти-әниләр, укытучылар, дусларыгызны онытмагыз. Хәерле ак юл сезгә, егетләр һәм кызлар!

    Ә әти-әниләргә балаларыннан һәрчак яхшы хәбәрләр генә ишетергә, ә укытучыларга укучылары өчен горурлык хисләре кичерергә язсын.

    Хөрмәт белән район башлыгы Валерий МАКАРОВ.

     

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: