“Әгерҗе хәбәрләре“ндә “Озын толым“ бәйгесе игълан ителә
Озын, калын толым элек-электән татар хатын-кызының күрке булып саналган һәм бу хәзер дә шулай. Урамнан озын толымлы кызлар, ханымнар узып киткәндә, кем генә артыннан карап калмый?! Матур, калын чәчләрегез күпләрне сокландырырлык икән, әйдәгез, “Ак калфак” игълан иткән ”ОЗЫН ТОЛЫМ” бәйгесенә кушылыгыз.
Толымыгызның бөтен матурлыгын күрсәтә алган фотоларыгызны 1 октябрьгә кадәр редакция почтасына (agr-vesti@mail.ru) җибәрегез. Башкалар сокланырдай толым үстерүегезнең серләрен дә ачыгыз. Чәчегезне ничек тәрбияләү серләре белән уртаклашып язган хатыгызны җибәрергә онытмагыз.
Иң матур толым иясен газета укучылар сайтта үзләре тавыш биреп билгеләячәк. Җиңүчене Әгерҗе шәһәрендәге “Хризантема” чәчтарашханәсенең һәм “Ак калфак“ район бүлекчәсенең бүләкләре көтә.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев