Әгерҗе кызы Ижауда “Татар кызы“ бәйгесендә катнашты

Удмуртиянең төрле шәһәрләреннән килгән сигез кыз дәрәҗәле жюри алдында осталыкларын, талантларын күрсәттеләр. Жюри милли гореф-гадәтләрне, тарихны белү буенча белемнәрен сынады, кызлар теккән милли баш кием – калфакка бәя бирде. Ижади бәйгедә сәхнә осталыкларын күрсәттеләр. Аидә конкурста җыр башкарган. “Татар кызы“нда абсолют җиңүче булмаса да, “Зыялы кыз“ номинациясендә Аидәгә тиңнәр булмады. “Бәйгедә тапшырылган Диплом һәм бүләкләрне кадерле истәлек итеп саклаячакмын“, ди Аидә.