Әгерҗе районының булачак солдатлары “Авангард“ка җыелды

Язгы чакырылышта 36 яшь егет солдат каешы буачак. Шуларның 16сы бүген "Авангард"ка "Армиягә чакырылучы көне"нә килде.

Булачак солдатларны район башлыгы Валерий Макаров, районның баш хәрби комиссары Илгиз Галиев сәламләде. Ватан алдындагы хәрби бурычын үтәп кайткан Рамис Осипов сөйләгәндә, егетләрнең күзләрендә очкын кабынды. Бүгенге көндә Кизнерда хәрби бурычын үтәүче Динир Галиевның әнисе Аидә дә улының хезмәттән канәгать булуын, һәрчак шалтыратып торуын бәян итте. Чыгыш ясаучыларның һәркайсы егетләрнең армия сафларыннан исән-сау кайтуларын теләделәр.