Әгерҗе хәбәрләре
  • Рус Тат
  • Яссы табанлыларны да алалар

    Бу көннәрдә район хәрби комиссариатында "урак өсте". Солдат каешы буарга җыенучылар медицина тикшерүе узалар. Якын киләчәктә армиянең күп өлешен контракт хезмәтенә күчерү планлаштырыла. Шул уңайдан булачак солдатларга карата яңа медицина таләпләре дә кертелде. Сәламәтлек торышы буенча кайбер чикләүләр "хәрби хезмәткә яраклы"га үзгәрде. Ә бу - сәламәтлекләрендә кайбер тайпылышлар булган егетләр...

    Бу көннәрдә район хәрби комиссариатында "урак өсте". Солдат каешы буарга җыенучылар медицина тикшерүе узалар.
    Якын киләчәктә армиянең күп өлешен контракт хезмәтенә күчерү планлаштырыла. Шул уңайдан булачак солдатларга карата яңа медицина таләпләре дә кертелде. Сәламәтлек торышы буенча кайбер чикләүләр "хәрби хезмәткә яраклы"га үзгәрде. Ә бу - сәламәтлекләрендә кайбер тайпылышлар булган егетләр дә хәрби хезмәт бурычын үти ала дигән сүз. Мәсәлән, беренче һәм икенче дәрәҗә яссы табанлылар да яки җиңел дәрәҗәдәге тире авырулары булганнар да армиягә алына башлыйлар.
    - Армиягә алу-алмау авыруның һәм нинди стадиядә булуына бәйле. Соңгы елларда егетләр арасында органзимда матдәләр алмашыну, ашказаны-эчәк авырулары еш очрый. Арада язва авырулары да булгалый, - ди инде 12 ел чакырылыш кампаниясендә эшләүче район үзәк хастаханәсе табиб-терапевты Василий Гусаров.
    Шулай ук ул башка еллар белән чагыштырганда армиягә чакырылучыларның хәрби хезмәт бурычын үтәүгә яраклылары артуын белдерде.
    - Белем бирү учреждениеләрендә физик тәрбиягә ныграк басым ясый башладылар. Ә мин моны хуплыйм гына. Бездә сәламәт яшьләр һәм ышанычлы армия булырга тиеш, - ди ул.
    Белешмә: язгы чакырылышта безнең районнан 48 егет солдатка китәчәк

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: