2021 елда Россиядә автомобильчеләр өчен яңа штрафлар кертелә

2021 елның гыйнварыннан Россиядә автомобильчеләр өчен берничә яңа штраф гамәлгә керде. «Позиция права» компаниясенең идарә итүче партнеры Егор Редин шул хакта сөйләде.

Белгеч сүзләренчә, Административ хокук бозулар кодексына автомобильчегә сүтелгән яки ташлап калдырылган машина өчен кисәтү яки 1-3 мең сум күләмендә штраф салу нормасын керткәннәр. Әлеге норма «автохлам өчен штраф» дигән рәсми булмаган исем алды. Бу турыда «Прайм» агентлыгы хәбәр итә.

Моннан тыш, рөхсәт ителмәгән урыннарда машина юган өчен гражданга 2 мең сум күләмендә штраф салыначак. Шулай ук газонда һәм яшел үсентеләр булган башка урында тукталган өчен 1,5 меңнән 4 мең сумга кадәр штраф салынырга мөмкин. Балалар уен мәйданчыкларында туктап торган, анда машина белән кергән һәм машина куйган өчен 2-5 мең сум штраф каралган.

Шулай ук медицина тикшеренүе узудан баш тарткан өчен маддәгә үзгәрешләр кертелгән. Медицина тикшеренүе узмаган йөртүченең салонында бала булган өчен машина йөртүчегә 50 мең сумга кадәр штраф салынырга яки 2-3 елга машина йөртү таныклыгыннан мәхрүм ителергә мөмкин.

Тагын бер яңалык — зыян күрүчеләр булмаса, юл-транспорт һәлакәтен евроберктемә системасы буенча рәсмиләштерү мөмкинлеге булу.

«Элегрәк сынау режимында «Помощник ОСАГО» кушымтасы эшли башлады, ул аварияне теркәүдән тыш, иминият компаниясенә хәбәрне электрон рәвештә җибәрү мөмкинлеге бирә иде», — дип сөйләде Егор Редин. 

Чыганак