Әгерҗе тәрбиячеләре сабыйларны юл хәрәкәте кагыйдәләренә өйрәтәләр

6нчы балалар бакчасы тәрбиячесе Рафилә ХАФИЗОВА "Балаларны юл хәрәкәте кагыйдәләренә иң яхшы өйрәтүче" бәйгесенең район этабы җиңүчесе булды.

Ике елга бер тапкыр узучы бәйгене үткәрү быел 7нче бакча коллективына йөкләнгән иде. Әлеге бакчада тәрбияләнүче сабыйлар күңелле җыр-биюләре белән конкурсантларны һәм жюри әгъзаларын сәламләделәр. Бәйгедә җиде тәрбияче катнашып, визитка һәм занятие күрсәтүдә осталыкларын күрсәттеләр.

Рафилә Хафизовадан азга гына калышып, 8нче бакчадан Елена Обухова - икенче, 4нче бакчадан Валентина Абрамова өченче урынны алдылар.

Балалар бакчалары арасында уздырылган "Яшел ут" бәйгесендә 8нче бакча коллективы җиңүче булды.