Әгерҗе хәбәрләре
  • Рус Тат
  • Балалар бакчасы өчен түләү артты

    Белеп торыгыз

    Быелның 1 январеннан балалар бакчасына ата-аналар түләве дүрт процентка артты. Бу – уртача 130 сум тирәсе. 

    –    Түләүләрнең артуы мәктәпкәчә белем бирү оешмалары эшчәнлеген финанс яктан тәэмин итү чыгымнары үсү, шул исәптән туклану продуктларына бәяләр арту белән бәйле. Әлеге бәяләр район башкарма комитеты карары белән расланган, – ди мәгариф идарәсе методисты Ләйсән Кәлимуллина. 
    Айлык түләү суммасы, мәктәпкәчә белем һәм тәрбия бирү учреждениесенең шәһәрдә яки авылда урнашуына, эш режимына, баланың яшенә карап төрлечә. Мәсәлән, атнасына биш көн эшләүче шәһәр бакчасында өч яшькә кадәрге сабый 10,5 сәгатькә калса,  3086 сум түләргә кирәк. Әлеге сумманың 2097 сумы – туклануга. 

    Ата-аналар өчен компенсация түләүләре һәм ташламалар саклана. Беренче балага бакча өчен түләгән бәянең – 20, икенчегә – 50, өченчегә һәм калган балаларга 70 проценты компенсацияләнә. Гаиләдә кеше башына керем 20 мең сумнан ким булган очракта да акча өлешчә кире кайтарыла. Инвалид, ятим, опекага алынган  балаларны бакчада тәрбияләү өчен ата-аналардан акча алынмый.
     

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: