Котлы булсын гомер бәйрәмнәрегез!

Әгерҗедә яшәүче кадерле тормыш иптәшем, сөекле әтиебез һәм яраткан бабабыз Илдус Гали улы Шәриповны туган көне белән котлыйбыз.

Һәр туган көнгә сөенеп, бәхетле, шатлыклы мизгелләрнең кадерен белеп, бер-беребезгә терәк булып, тырышып тапкан дәүләтебезнең хәерен күреп яшик тә яшик әле.

Бәхетле узыйк гомер көзләрен.

Әткәй! Безгә биргән төпле киңәшләрең, ярдәмнәрең, безне яратып үстергәнең өчен бик зур рәхмәт сиңа. Алдагы көннәрдә дә уңышларыбызга куанып, оныкларыңны яратып, әнкәй белән тигезлектә, рәхәттә гомер итегез. Авыруга бирешмә, әткәй, янәшәңдә без булганга сөенеп яшә.

Иң матур теләкләр белән әниебез Әлфирә, балаларың Шамил, Гөлсинә-Раниф, Зөлфия-Флүс, онык-оныкчыкларың.

Тирсә авылында яшәүче кадерле әнием, тормыш иптәшем Әлфия Хуҗа кызы Гарифуллинаны 65 яшьлек юбилее белән котлыйбыз.

Олы җанлы, кайгыртучан, ягымлы булуың өчен рәхмәт, әни, сиңа.

Иң изге теләкләр улың Илшат, тормыш иптәшең Йолдыз, Закировлар гаиләсе.

Көчек авылында яшәүче гаиләбезнең кадерле кешесе Альберт Сәгыйть улы Шиабиевны 60 яшьлек юбилее белән чын күңелдән котлыйбыз.

Кадерле әткәй! Шундый зур һәм якты бәйрәмең көнендә сиңа ихлас котлауларыбызны юллыйбыз. Әтиебез, сиңа булган теләкләребезнең иң мөһиме - алдагы гомер елларыңда тормыш юлларын иминлектә, сау-сәламәт булып, бәхетле көннәрдә, шатлык белән үтәргә язсын. Киләчәктә дә балаларың, оныкларың, кардәш-туганнарыңның шәфкатен, мәрхәмәтен, игътибарын һәм ихтирамын тоеп, әнкәебез белән хәерле, тыныч гомер ит!

Сине яратып, балаларың Аидә, Азат, киявең Роберт, киленең Гөлнар, оныкларың Линар, Диләрә, Динар, Таһир һәм әниебез Гөлфия.

КУАНЫЧЛАР ГЫНА ЮЛДАШ БУЛСЫН

Әтиебез гомер буе тырыш хезмәт белән яшәде, безне дә үз үрнәгендә тәрбияләде. Үз эшенең остасы булган, җитмеш төрле һөнәр белүче, хуҗалыгыбызны гөл итеп тотучы әтиебезнең гаиләсе өчен дә янып-көеп яшәве сокландыра.

Тормыштагы борчу-шатлыкларны уртаклашып яшәрлек, көчле рухлы, нинди генә хәлләрдә дә өмет кояшын сүндерми яши белүче, ныклы терәгем, олы таянычым булган ышанычлы ирем, "балаларым" дип өзелеп яшәүче сөекле әтиебез! Бәйрәмең көнендә сиңа исәнлек-саулык, бәхетле озын гомер телибез. Безне уйлап типкән йөрәгең беркайчан борчу белмәсен. Пар канатларыбыз каерылмасын, тигезлектә, муллыкта яшәргә язсын. Сәламәт, озын гомерле бул, әткәй!

Иң матур теләкләр белән тормыш иптәшең Рафилә, балаларың Сөмбел-Айнур, Лидия-Рәдүл, Илдар-Илдана, оныкларың Алсу, Илдан, Рәсүл һәм кода-кодагыйларың.

Бик тә яхшы күңелле, олы йөрәкле булган улым, туганыбыз Рәшит Яхинны 60 яшьлек юбилее белән котлыйбыз.

Рафилә белән пар күгәрченнәрдәй гөрләшеп, шатлыкларны бүлешеп, тормышның һәр мизгеленә куанып, гаилә учагы җылысында безне шулай каршы алып бәхетле яшәвеңне телибез. Матур эш-гамәлләрең белән ихтирам-хөрмәт яуладың. Күпләргә изгелекләр кылып яшәүче киң күңелле, алтын куллы туганыбыз син. Муллыкта, тигезлектә хәерле озын гомер кичерергә язсын. Ходай сине саулык-сәламәитлектән аермасын, күңел тынычлыгы насыйп итсен.

Гөрләшеп бергә-бергә.

Иң изге теләкләр белән әниең Мөнәвәрә, абыең Рифкать-Фәридә, энең Рәис, Әгерҗедән Сәләховлар гаиләсе.

Күршебез Рәшит Яхинны күркәм юбилее белән чын күңелдән котлыйбыз.

Сезнең гаилә белән чирек гасырга якын ут күршеләр булып яшибез. Рәшит тә, Рафилә дә туганнарыбыз кебек бик якын. Эшләр дә, шатлыклар да уртак безнең. Шундый игелекле күршеләребез булганга бик сөенәбез.

Рәшит, 60 яшь - әле ул үткәннәргә борылып карап нәтиҗә ясар чак кына. Алда әле сине матур киләчәк, балалар уңышы, сәламәтлек һәм бәхетле, парлы гомер көтсен. Һәрчак үз көчеңдә бул! Син барыбызга да бик кирәк һәм олы терәк.

Тәбәрледә яшәүче абыебыз Мөнәвир Әмир улы Хаҗиевны 60 яшьлек юбилее белән котлыйбыз.

Гомер үтә, диләр. Син дә матур эш-гамәлләрең белән алтмышыңа килеп җиттең, абый. Тормыш авырлыкларына бирешмичә, авырмыйча, җәмәгатең Сиринә белән пар канатлы булып озак еллар яшәргә язсын. Син - туганнарга, авылдашларга бик кирәк. Һәрвакыт үз көчеңдә бул, олы йөрәкле, киң күңелле булып кал.

Иң изге теләкләр белән энең Фәнил-Зөлфия, Илнур, кодагыең Зәкия.

Исәнбайда яшәүче иң кадерле кешебез Рамил Рәшид улы Мусинның 55 яшьлек юбилее. Әткәебез, бабабыз, җәмәгатем, сине гомер бәйрәмең белән чын күңелдән котлыйбыз.

Сиңа нык сәламәтлек, күңел тынычлыгы, балаларың, оныкларыңның игелеген күреп яшәвеңне, күңелеңнең һәрчак шат булуын телибез. Әткәй, синең тормыштан, эштән тәм һәм ямь табуыңа сокланабыз һәм сөенәбез. Әнкәй белән бәхетле тигез гомер кичерегез. Туган йортыбызда әле күп еллар безне шатланып каршы алырга язсын.

Иң матур теләкләр белән әниебез Нурия, балаларың Ләйсән-Айназ, Илнара-Фәнил, яраткан оныкларың Диана, Данияр.

Иж-Бәйкидә яшәүче кадерле әниебез, газиз җәмәгатем, сөекле киленебез Чулпан Илгиз кызы Хаматованы туган көне белән ихлас котлыйбыз.

Гаиләңдә һәрчак уңган хатын, тугры яр, сөекле әни бит син. Киләчәктә дә тормышыңның һәр мизгеле бәхет белән үтсен иде. Күңел күгеңне болытлар капламасын, өебез бусагасыннан борчулар атламасын. Алга таба да шулай бер-беребезне аңлап, гөрләшеп яшик.

Һәм куаныч атласын.

Иң матур теләкләр белән әти-әниең Гүзәлия-Вячеслав, җәмәгатең Ришат, бала-

***

Чулпан! Бик тә ачык йөзле, киң күңелле, кечелекле һәм кешелекле булганың, безне һәрчак кочак җәеп каршы алганың өчен яратабыз үзеңне. Һәрвакыт шулай шат күңелле, сәламәт һәм бәхетле бул. Сөекле энебез Ришат белән ул-кызларыгызның уңышларына куанып, тигезлектә яшәгез.

Бәйрәм теләкләре белән Гөлшат-Радик, Зиләрә, Динә, Ранис.