60 ЯШЬ – ЯШЬМЕНИ УЛ...

Мәдьяр авылында туып-үсеп, гомерен Ижау каласында намуслы хезмәткә багышлаган, хәзер Ямурзада яшәүче Хәмит Сабит улы Тулбаевны чын күңелдән 60 яшьлек юбилее белән котлыйбыз.

Кадерле улым! Алтын баганам син минем. Сиңа исәнлек-саулык, хәерле гомер телим.

Синең белән пар канатлы булып шулай бәхетле гомер кичерергә язсын, кадерле тормыш иптәшем.

Нәселебезнең алтын тоткасы, таянычыбыз, ышанычыбыз, яклаучыбыз син, кадерле энем. Синдәй сабыр, миһербанлы, саф күңелле, тырыш туганыбыз белән горурланабыз.

Йөрәгеңнең киңлегенә

Сыйганбыз барыбыз да.

Сөенәбез, синдәй кеше

Булганга яныбызда.

Ярдәм, киңәш кирәк чакта

Бар синең төпле сүзең.

Күрше-тирә, дус-туганга

Елмаеп тора йөзең.

Биргәненә шөкер итеп

Яшисең риза булып.

Килсен алдагы елларың

Шатлык, бәхеткә тулып.

Иң изге теләкләр белән әниең Әнисә, тормыш иптәшең Люба, апаң Әлфия, энең Илшат-Надя, туганнарың Алсу-Володя, Ринат-Ирина, Руслан-Гөлнара, оныкларың.