ИЛЛЕ ЯШЬ УЛ – АЛТЫН ЮБИЛЕЙ

Тирсәдә яшәүче Азат Флүр улы Дәүләтбаевның гомер бәйрәме - 50 яшьлек юбилее.

Туган көнең котлы булсын,

Алсу таңнар күмсен шатлыкка.

Яшәү дәрте янсын йөрәгеңдә,

Картаерга һич тә ашыкма.

Әткәй, сиңа һәр яңа көн бәхет алып килсен. Туачак таңнарың һәрвакыт нурлы, күк йөзең һәрчак аяз булсын. Гел шулай елмаеп, кешеләрне сөендереп яшә.

Бәйрәмең көнендә сиңа нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларың һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез.

Тормышта барыбызның таянычы, терәге, ышанычы булганың өчен мең-мең рәхмәт сиңа.

Иң изге теләкләр белән тормыш иптәшең Рузилә, улың Айзат, кызың Айгөл, киявең Ринат, оныгың Ленар.