Бәйрәм белән, Ватан сакчылары!

Бәйрәм белән, Ватан сакчылары!

Хөрмәтле ветераннарыбыз, ил алдындагы изге бурычларын үтәгән һәм бүгенге көндә тынычлык сагында торучы ир-егетләребез! Сезне Ватанны саклаучылар көне белән тәбрик итәм!

23 февраль – ул ватанпәрвәрлек, рух ныклыгы, намус һәм кыюлык бәйрәме. Бу көнне без Ватанга хезмәт итүче, тынычлыгыбызны һәм иминлегебезне саклаучы ир-егетләребезне хөрмәтлибез, Россия Кораллы Көчләре ветераннарының батырлыгына сокланабыз.

Махсус хәрби операциядә катнашучыларга тирән хөрмәт һәм рәхмәтебезне белдерәбез. Илебезнең чын патриотлары булган батыр ир-егетләребез белән горурланабыз, һәрберегез өчен борчылабыз, ныклы һәм көчле булып калуыгызны телибез. Без сезнең туган якларга исән-сау әйләнеп кайтуыгызны көтәбез.

Ватан сакчыларына тынычлык һәм иминлек, эшләрендә һәм хәрби хезмәтләрендә зур уңышлар, бәхет, сәламәтлек, энергия һәм алгы көнгә ышаныч телим. Ил-көннәребез тыныч, гаиләләребез имин булсын!

Район башлыгы Ленар НУРГАЯНОВ.