«Тугызбуй» агрофирмасы районда беренче булып урып-җыю эшләрен тәмамлады

Әгерҗе районында урып-җыю эшләре дәвам итә. 7 сентябрьгә барлык мәйданның 27959 гектарыннан  (планга карата – 90 процент) бөртеклеләр җыеп алынган. 

Чәршәмбе көнне Әгерҗе ит комбинатының «Тугызбуй» агрофирмасы, районда иң беренче булып, урып-җыю эшләрен тәмамлады.  

“Наҗар“ һәм фермерлык хуҗалыкларында – 96шар, “Сарсак-Омга“ хуҗалыгында – 95, “Нәүрүз“ ширкәтендә барлык мәйданның 81 процентында эш төгәлләнгән. 

Авыл хезмәтчәннәре хәзерге вакытта бодай, солы, рапс суктыралар. Уртача уңдырышлылык бер гектардан якынча 26,7 центнер тәшкил итә.  

Хуҗалыкларда көзге чәчү эшләре дә башкарыла. Барлык мәйданның 6622 гектарында (планга карата – 69 процент) эш төгәлләнгән.