Бүләк отасыгыз килсә, “Әгерҗе хәбәрләре“ газетасына язылган квитанциягезне редакциягә юллагыз

2020 елның 20 апрелендә матбугат басмаларына ташламалы бәягә язылу ункөнлеге игълан ителгәннән соң, 600дән артык райондашыбыз, почта элемтәсе бүлекчәсенә барып, “Әгерҗе хәбәрләре“ газетасын икенче яртыеллыкта да алдырачагын белдерде.

Иртәгә, 30 апрельдә, район газетасына арзанрак бәядән – 658,98 сумга язылуның соңгы көне. Кемнәр әлеге ункөнлектә “Әгерҗе хәбәрләре“нә язылган, без аларга бәхетләрен сынап карарга – бүләкләр уйнатуда катнашырга тәкъдим итәбез. Моның өчен язылу квитанцияләренең күчермәләрен 11 майга кадәр редакциягә (agr-vesti@mail.ru электрон почтасы, 89656243149, 89063331957 WhatsApp номерлары) юлларга гына кирәк. Бүләккә үтүк, миксер, үлчәү, гриль-вафельница, плед, кәстрүл әзерләдек.

Акциягә 2020 елның 13 маенда йомгак ясала.

“Әгерҗе хәбәрләре“нә языла алмый калдым диючеләр булса, борчылмагыз.  1 майдан газетага 711 сумга язылырга мөмкин.

Акциянең сроклары, призлар саны, аларны алу тәртибе турында тулы мәгълүмат – “Әгерҗе хәбәрләре” редакциясендә. Акцияне оештыручы – “ТАТМЕДИА” җәмгыяте филиалы – “Әгерҗе хәбәрләре” (“Агрызские вести”)  редакциясе. Сроклары – 20.04.2020-13.05.2020. 

Белешмәләр өчен телефоннар: 22861, 22962. Реклама, 16+.