Авариядән соң «Лада» машинасы урталай өзелгән, ике кеше һәлак булган
«Лада» каршы як полосага чыга һәм Toyota белән бәрелә
22 февральдә көндез Новосибирск өлкәсенең Убинский районында «Иртыш» трассасында юл һәлакәте була. Биредә ике кеше үлә. Бу турыда ЮХИДИга сылтама белән «Вести» хәбәр итте.
ВАЗ-2112 машинасы белән 31 яшьлек ир-ат идарә итә. Ул Омскига таба бара. Бер мизгелдә «Лада» каршы як полосага чыга һәм Toyota Highlander машинасына бәрелә.
Фаҗига урынында төшерелгән кадрлардан күренгәнчә, «Лада» урталай диярлек өзелә.
Полиция белешмәсе буенча, авария урынында ук ике кеше һәлак була. Бу — «Лада» йөртүчесе һәм аның 34 яшьлек пассажиры.
Toyota белән идарә итүче ир-ат һәм аның салонындагы хатын-кыз пассажир да имгәнә.
Тикшерү эшләре бара, диелә хәбәрдә.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев