Автобус катнашындагы юл һәлакәтендә 12 кеше үлгән

Төркиянең Йозгат провинциясендә пассажир автобусы катнашындагы юл-транспорт һәлакәтендә 12 кеше үлгән. Бу хакта A Haber телеканалына сылтама белән РИА Новости хәбәр итә.

«Йозгат провинциясендә Соргун районында пассажир автобусы чокырга төшеп киткән», диелгән хәбәрдә.

Тагын 19 кеше җәрәхәтләнгән.

Зыян күрүчеләрне Соргун дәүләт хастаханәсенә китергәннәр.

Йозгат губернаторы Мехмет Али Озкан һәлакәт урынына килгән, юл-транспорт һәлакәте килеп чыгуның сәбәпләрен ачыклау өчен тикшерү кирәклеген әйткән. Юстиция министры Йылмаз Тунч сүзләренчә, тикшерү башланган, диелә хәбәрдә.

Чыганак