Биш катлы йортта чыккан янгында бер ир-ат үлгән
Бинадан 10 кеше үзләре эвакуацияләнгән
Бөгелмәдә биш катлы йортларның берсендә янгын турында хәбәр ашыгыч хезмәтләрнең бердәм 112 номерына килгән. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсендә хәбәр иттеләр.
Урынга килеп җиткәч, янгын сүндерүчеләр Сельхозтехника урамындагы биш катлы йортның беренче катындагы фатирда янгын чыгуын ачыклаганнар.
Янгын сүндерү хезмәте хезмәткәрләре килгәнче, бинадан 10 кеше үзләре эвакуацияләнгән. Тагын бер ир-ат янган фатирдан тәрәзәдән сикереп төшкән. Ул тән җәрәхәтләре ала, нәтиҗәдә Бөгелмә үзәк район хастаханәсенә эләгә.
20 минуттан янгын сүндерүчеләр янгынны тулысынча сүндерә алганнар.
Янгын сүндерү вакытында бер ирнең үлүе ачыклана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев