Егет белән кыз нәни баланы җәзалап үтергән

Кишинев шәһәрендә ике яшьлек баланы вәхшиләрчә үтергәннәр. Бу турыда Ростов басмасы хәбәр итә.

Ике яшьлек баланы 19 яшьлек кыз һәм аның сөйгән егетенә карап торырга калдыралар. Егет белән кыз сабыйны җәзалап үтерә. 

19 яшьлек кыз бала караучы булып эшләгән. Ул сөйгән егете белән бергәләп ике яшьлек кыз баланы карап торырга алынган. Бер мизгелдә сабый көйсезләнә башлый һәм яшьләрнең ачуы чыга. Шуннан соң алар баланы җәзалый. Сабыйга чәнечке белән кадыйлар, берничә кабыргасын сындыралар, эчке органнарына зыян китерәләр. Аннары баланы урамга чыгарып ыргыталар.

Бала башы белән стенага бәрелүдән үлә, диелә хәбәрдә. 

Чыганак: Интертат

Фото: pixabay.com