Әгерҗе янында авариядә кеше үлгән (ФОТО)

Кичә төнлә Кече Пурга районында үлем белән тәмамланган авария булган. Кече Пурга авылының коткару хезмәте әлеге коточкыч кадрлар белән уртаклаша.
⠀
М-7 трассасының 111 нче чакрымында "Део Нексия" һәм "КамАЗ" автомобильләре бәрелешкән. Фотодан күренгәнчә, җиңел машинадан металл өеме генә калган диярлек.
⠀
"Әгерҗе хәбәрләре" ачыклаганча, хәзерге вакытта бер һәлак булган кеше турында хәбәр ителә. Җиңел машина йөртүчесе урында ук үлә.

Авария сәбәпләре ачыклана.