Коточкыч авариядә биш кеше һәлак булган, тугыз кеше имгәнгән
Өч транспорт чарасы бәрелешә
Самара өлкәсендә автобус ике йөк машинасы белән бәрелешкән. Башта, авариядә 6 кеше һәлак булган, дип хәбәр ителде.
Аннары үлүчеләр 5 кеше булуы билгеле булды. Тагын 9 кеше имгәнгән. Бу турыда РЕН ТВ хәбәр итте, дип яза Интертат.
Фаҗига М5 «Урал» юлының 83нче километрында Ветлянка торак пункты янында килеп чыга.
Якынча белешмә буенча, автобуста 15 кеше була.
«Нефтегорский районында М5 «Урал» юлының 83нче километрында өч транспорт чарасы бәрелешә. Шул исәптән маршрут автобусы», – дип әйткәннәр Россия Эчке эшләр министрлыгының төбәк буенча идарәсендә.
Фото: Россия Эчке эшләр министрлыгының Самара өлкәсе буенча идарәсе
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев