Күпбалалы гаиләнең йорты янып беткән

19 мартта көндезге өчләр тирәсендә гаилә туганнарында кунакта вакытта өйдә ут чыга.
Кичә

Башкортстанның Бөрйән районындагы Мәһәзей авылында күп балалы гаилә яши торган йортта янгын булган. Бу турыда Гадәттән тыш хәлләр министрлыгына сылтама белән «Башинформ» хәбәр итте.

Зәки Вәлиди исемендәге урамда урнашкан бер катлый агач өйдә янгын 19 мартта көндезге өчләр тирәсендә чыга. Бирегә коткаручылар һәм Байназар авылыннан янгын сүндерү командасы килә.

Коткаручылар килгәндә 7×6 метрлы агач йорт һәм тактадан ясалган 6×5 метрлы веранда янып ята торган була. Янгынны тиз арада сүндерәләр.

Бу йортта күп балалы гаилә яшәгән. Аларның 14, 11, 8 һәм 7 яшьлек дүрт баласы бар. Янгын чыкканда өйдә кеше булмый, алар барысы да туганнарында кунакта була, диелә коткаручылар хәбәрендә.

Янгын сәбәпләрен тикшерүчеләр ачыклый. Гаилә туганнарында яшәп тора, диелә.

Фото: Гадәттән тыш хәлләр министрлыгы, https://www.bashinform.ru/