Күрше төбәктә 15 яшьлек малай туганының машинасын урлап алып киткән һәм бәрелеп үлгән
Балигъ булмаган йөртүче урында ук үлгән
Башкортстанда 15 яшьлек малай туганының машинасын рөхсәтсез алып чыгып киткән һәм бәрелеп үлгән. Бу турыда «Башинформ» хәбәр итте.
17 августта иртән-иртүк Поляковка-Черниговка юлында авария була.
«Әлеге вакытка билгеле булганча, 15 яшьлек малай «Хендай Акцент» машинасы белән идарә итә, аннары юлның уң кырыена төшеп китә һәм машина әйләнеп каплана. Балигъ булмаган йөртүче урында ук үлгән. Урында ЮХИДИ хезмәткәрләре эшли», – дип сөйләгәннәр Башкортстан буенча ЮХИДИда.
Машина хуҗасы – мәрхүм баланың туганы сүзләренчә, аның туганнан туган энесе ачкычларны рөхсәтсез алган һәм машинага утырып чыгып киткән, диелә хәбәрдә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев