Нәни кыз кар сулары тулган суда батып үлгән
Фаҗига Башкортстанда булган
Башкортстанның Мәчетле районындагы Азангол авылында 3 яшьлек кыз батып үлгән. Бу турыда «Башинформ» хәбәр итте, дип яза Интертат.
Район администрациясе белешмәсе буенча, кыз күп балалы яхшы гаиләдә яши. Гаилә профилактика хисапларында тормый.
Бала язгы кар сулары җыелган чокырда батып үлә.
«Мәчетле районының Азангол авылында фаҗигале очрак булды. Язгы кар сулары тулган чокырда 3 яшьлек кыз бала батып үлде», – диелә район администрациясе хәбәрендә.
Урынга тикшерүчеләр барды, фаҗига сәбәпләре ачыклана.
Башкортстан прокуратурасы белешмәсе буенча, бала өлкәнрәк балалар белән урамда йөри, әти-әнисе өйдә була, әниләре декрет ялында. Быел октябрьдә балага 4 яшь тулыр иде.
«Хөрмәтле өлкәннәр, балаларны караучысыз калдырмагыз, үзләрен генә җибәрмәгез. Су куркыныч, су янында шаярту фаҗигагә китерергә мөмкин, шуларны аңлатыгыз. Балалар янгын сүндерү – 101, коткару хезмәте – 112 номерларын яттан белергә тиеш», – диелә хәбәрдә.
Фото: Башкортстанның Мәчетле районы администрациясе, https://www.bashinform.ru/
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев