Студент кыз дусты белән бергә 15 яшьлек кызны җәзалаган

Улан-Удэда 15 яшьлек кызны танышлары мыскыллаган. Яшүсмерне кыйнаганнар, чишендергәннәр, җәзалаганнар, акча таләп иткәннәр, аның гәүдәсенә тәмәке төпчекләрен сүндергәннәр. Җинаять эшен җинаятьчеләрнең берсенә карата гына кузгатканнар: аңа әле күптән түгел генә 18 яшь тулган. Икенчесе җинаять вакытына җинаять җаваплылыгы яшенә җитмәгән.

Агымдагы елның апрелендә зыян күрүче  мөнәсәбәтләре киеренке булган танышларын очраткан. Кызлар корбанны көчләп ташландык сәнәгать зонасына алып киткәннәр. Кызны кыйнаганнар: куллары һәм аяклары белән башына, муенына, тәненә сукканнар. Аннары аны, өске киемнәрен ертып, ялангач килеш калдырганнар. Зыян күрүченең телефонын ватканнар, аннан 3,5 мең сум таләп иткәннәр.

Моның белән җинаятьчеләр туктамаган. Алар яшүсмердән эчке киемнәрен салдырганнар һәм кулларын бәйләгәннәр. Алар шулай ук аның чәчләрен яндырганнар һәм аның битенә һәм кулларына пыскып янган тәмәке төпчекләрен сүндергәннәр. Кызларга күңелсезләнгәч, алар укучыны тукталышта ташлаганнар, анда аны узып баручы күреп алган һәм аңа ярдәм иткән.

Чыганак: Ватаным Татарстан