«Тәрәзәдән очып чыкканнар». Егет белән кыз авариядә һәлак булган

Ставрополь краеның Кочубеев округында юл һәлакәтендә егет белән кыз үлгән. Бу турыда ЮХИДИга сылтама белән «Вести» каналы хәбәр итте, дип яза Интертат.

Фаҗига 12 ноябрьдә иртән килеп чыга. Адыгеядә яшәүче 19 яшьлек кыз «Лада Гранта» рулендә була, ул идарәсен югалта.

Уң якка таба борылган чакта, кыз юл кырыена чыга һәм кырга барып кергән машина әйләнеп каплана.

«Иминлек каешлары эләктерелмәгән булу сәбәпле, машина капланганда, йөртүче һәм пассажир тәрәзәдән очып чыга», – дигәннәр полициядә.

21 яшьлек егет урында ук үлгән, кызны Невинномысск хастаханәсенә илткәннәр, ул шунда вафат булган.

Тикшерү бара, диелә хәбәрдә.

Фото: ЮХИДИ