Татарстан юлында зур фаҗига: ике кечкенә бала һәлак булган

Актаныш районында М7 трассасының 1144 чакрымында җиңел автомобиль белән фура бәрелешкән. Бу хакта үзенең Telegram-каналында Татарстан Дәүләт автоинспекциясе хәбәр итә.

Башлангыч мәгълүматларга караганда, Киа шоферы һава торышы начар булу сәбәпле, автомобиль белән идарәне югалта һәм юл киртәсенә килеп бәрелә, шуннан соң каршы юнәлештәге полосага килеп чыга һәм йөк машинасы белән бәрелешә.

Авария аркасында 4 һәм 7 яшьлек балалар һәлак була. Чит ил машинасының йөртүчесе һәм пассажиры төрле дәрәҗәдәге тән җәрәхәтләре белән хастаханәгә озатылган.

Тикшерү  бара, дип яза Шәһри Казан