Әгерҗе хәбәрләре

Әгерҗе районы

18+
Рус Тат
2024 - год Семьи
Фаҗига

Татарстанда танылган спортчы, Европа чемпионы вафат булган

Социаль челтәр кулланучылар кайгы уртаклаша

«Татарстан спорт дөньясы танылган спортчы Мария Френцельне югалтты», — дип яза Татарстан спорт министры урынбасары Хәлил Шәйхетдинов инстаграмдагы сәхифәсендә.

«Мария халыкара класслы спорт мастеры, Европа чемпионы иде. Соңгы елларда Мария нәфис гимнастика тренеры булды. Аның тырышлыгы белән команда һәм аерым спортчылары югары нәтиҗәләргә иреште.

Бөтен спорт җәмәгатьчелеге һәм шәхсән үз исемемнән Мариянең туганнарының һәм якыннарының кайгысын уртаклашам», — дип яза Шәйхетдинов. 

Социаль челтәр кулланучылар кайгы уртаклаша.

«Бу зур югалту, яшь белгеч, яшьләр үләргә тиеш түгел. Ләкин авыру беркемне дә аямый. Шәхсән таныш идек, ярышларда узыштык», — дип яза _alinochka_u.

Татарстан Республикасының Нәфис гимнастика федерациясе Мария Френцельнең якыннарының тирән кайгысын уртаклаша. Бу турыда Татарстан Спорт министрлыгы сайтында хәбәр ителә.

Мария Френцель – халыкара класслы спорт мастеры, Россия җыелмасы составында 2001 елда Швейцариядә төркем белән күнегүләр буенча Европа чемпионы.

2013-2015 елларда Мария Френцель Татарстанның нәфис гимнастика буенча җыелма командасының төркем белән күнегүләр буенча тренеры була.

Соңгы елларда ул Краснодар шәһәрендә тренер булып эшли, диелә хәбәрдә. 

Фото: https://www.instagram.com/halil_shayhutdinov 

Чыганак: Интертат 

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев