Татарстанда янгында унөч яшьлек кыз һәлак булган
Прокуратура тикшерү башлады
Казанның Дәрвишләре бистәсендә янгын вакытында 13 яшьлек кыз бала мәете табылган. Урынга Совет районы прокуроры вазифасы башкаручы Евгений Почкин барган. Бу турыда «Татар-информ» хәбәр итте.
Янгын кичке җиденче яртыларда Солидарность урамындагы күп катлы йортның дүртенче катында була. Баланың мәетен урынга килгән коткаручылар таба. Берничә минуттан янгынны сүндерәләр.
Фаҗиганең сәбәпләрен тикшерүчеләр ачыклый. Ата-ананың баланы тәрбияләү буенча вазифаларын үтәвен тикшерәчәкләр. Бу турыда Татарстан прокурорының өлкән ярдәмчесе Руслан Галиев хәбәр итте.
Күзәтчелек ведомствосы балигъ булмаган балаларның караучысыз калуын профилактикалау системасы органнары эшчәнлегенә хокукый бәя бирәчәк.
Фото: Гадәттән тыш хәлләр министрлыгы
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев