Тирсәдә 31 яшьлек ир-ат тереләй янып үлгән

Бүген төнлә республиканың Әгерҗе районында, Тирсә авылында Мәктәп урамында шәхси йорт янды, дип сөйләделәр «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә.

Янгын турында хәбәр төнге сәгать дүрттә 101нче янгын  сагы чакыру номеры буенча алынган.  24 квадрат метр мәйданлы йорт бөтенләй янып беткән.

 Янгын тиз арада сүндерелгән. Утта 31 яшьлек ир-ат һәлак булган, шулай ук 64 яшьлек хатын-кыз зыян күргән. Башлангыч фаразлар буенча, сүндерелмәгән тәмәке янгын сәбәбе булырга мөмкин.