Нинди тәмләткечләр гомерне озынайта?

Кайсыбер тәмләткечләр яман шеш, шикәр авыруы, башка чирләр барлыкка килү куркынычын киметә, шулай итеп гомерне озынайта. Бу турыда Express басмасына сылтама белән РИА Новости хәбәр итте.

Статья авторы Джессика Ниббс шундый өч тәмләткечне атаган. Шуларның берсе куркумин — яман шеш һәм олыгайгач барлыкка килә торган авырулар ихтималын киметә.

«Куркумин липидларның перекисьле оксидлашуы хисабына гомерне озынайта, антиоксидантлар активлыгын арттыра», — ди ул.

Бер ай дәвамында көн саен дүрт грамм куркумин файдаланган кешеләрне тикшергәч, аларның 40 процентында туры эчәктә яман шешкә әверелергә мөмкин булган яралар кимегән.

Корица икенче типтагы шикәр авыруы булганда канда шикәр микъдарын киметергә, ялкынсынуны бетерергә ярдәм итә. «Тикшеренү күрсәткәнчә, корица экстракты яман шеш күзәнәкләре таралуны киметә, аларның һәлак булуына китерә», — ди автор.

Яман шешләр белән көрәштә корица маен да файдаланалар.

Шалфей баш мие эшчәнлеген һәм хәтерне яхшырта. Аеруча Альцгеймер авыруы вакытында. Шалфей шулай ук йөрәк авыруларын профилактикалау өчен дә файдалы, диелә бу хәбәрдә.

Алда искә алынган тәмләткечләрне дәвалану өчен кулланыр алдыннан, һичшиксез, табиб белән киңәшләшү кирәк!

Чыганак: Интертат 

Фото: pixabay.com