Әгерҗе районында “Ураза тотучыны ашат” игелекле акциясе дәвам итә

• Игелекле чарага кушылучылар бар, шөкер, – ди район имам-мөхтәсибе Габделкәрим хәзрәт Гыйззәтуллин.

Хәзрәт әйтүенчә, акчалата ярдәм итүчеләр дә, азыклата булышлык күрсәтүчелр дә бар.  

• Җыелган акчаларга без әзер хәләл ризык сатып алабыз.Әлеге ризыкны Ижаудагы хәләл кафега заказ биреп әзерләтәбез, – ди хәзрәт.

Дүшәмбе, сишәмбе көннәрендә әзер ризыкларны 100-115ләп кардәшебезгә таратканнар. Болар – ураза тотучылар, өлкән яшьтәгеләр, мохтаҗлар.

Игелекле акция дәвам итә. Аңа кушылырга теләүчеләр 89872930463, 89093136522 телефоннарына шалтыратып кирәкле мәгълүматны алалалар.  

• Пәйгамбәребезнең “Ураза тотучыга тукландыручыга да шуның кадәр үк савап язылыр” дигән вәгъдәсе бар. Шул ук вакытта аның малы да кимемәс. Чарада катнашучыларга Аллаһының рәхмәте булсын, – ди Габделкәрим хәзрәт.