Ислам нуры
Изге Рамазан аена багышлап
Мәчетләрдән азан ишетелә, Рамазанның тәүге азаны.
Ак әбиләр җыелып тәсбих тарта,
Күрербез, дип, Ходай язганны...
Әбиләрнең яулыклары ап-ак,
Ак намазлык алар алдында...
Бар җиһанны назлый кояш,
Тынып калган хәтта җилләр дә.
Изге айның гүзәл бизәге ул –
Таңнан торып сәхәр ашаулар.
Намазыңның берсен калдырмыйча
Җыелышып авыз ачулар.
Изге айның һәрбер азаны да
Игелеккә безне чакыра.
Иминлекләр теләп туган җиргә
Ак әбиләр тәсбих тарталар...
Исәнбай авылы.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев