Изге Рамазан аена багышлап

Ак әбиләр җыелып тәсбих тарта, 
Күрербез, дип, Ходай язганны... 

Әбиләрнең яулыклары ап-ак, 
Ак намазлык алар алдында... 
Бар җиһанны назлый кояш, 
Тынып калган хәтта җилләр дә.

 
Изге айның гүзәл бизәге ул – 
Таңнан торып сәхәр ашаулар. 
Намазыңның берсен калдырмыйча 
Җыелышып авыз ачулар.

 
Изге айның һәрбер азаны да 
Игелеккә безне чакыра.
Иминлекләр теләп туган җиргә 
Ак әбиләр тәсбих тарталар...

Әлфирә Низамова.

Исәнбай авылы.