Җомга коймагы

84 дәрес: гаилә әһелләреңә карата рәхимле бул.

Әнәс ибн Мәлик сөйләвенчә: *"Аллаһының илчесе улы Ибраһим янына килә, аны кулына алып үбә һәм сабыйның хуш исен исни"*(Бохари риваяте).

Өлкәннәрнең сабыйларны кочаклап үбүләре, назлау һәм яратулары - Аллаһы йөрәкләренә салган рәхимлелекне күрсәтә. Әлбәттә, бу сабыйларның күңелләренә шатлык кертә һәм тәрбиянең нигезе булып тора. 

Бәрраә исемле сәхәбә: "Мин пәйгамбәрнең оныгы Хәсәнне җилкәсенә утыртып: *"Йә, Аллаһ, аны(Хәсәнне) ярат, мин дә аны яратам",* дигән сүзләрен ишеттем", - дип әйткән (Бохари һәм Мөслим риваятләре).

Йә, Раббым, безгә сабыйларга карата мәрхәмәтле булырга насыйп әйлә.