Соңгы ункөнлеккә аяк бастык

Бүген - Рамазан аеның 20нче көне. Изге айның өченче ункөнлегенә аяк бастык. "Рамазан ае дәвамында "Нур" мәдрәсәсендә көнаралаш ифтар мәҗлесләре уза. Һәр мәҗлестә 100гә якын кардәшебез катнаша. Уразаның соңгы көннәрендә авыл мәчетләрендә дә ифтар ашлары узачак", - ди район имам-мөхтәсибе Хәлим хәзрәт. Соңгы ункөнлек җәһәннәм газабыннан котылу көннәре дип атала. Бу көннәрдә ачуыбызны эчкә алып, дошманнарны гафу итеп, сабырлык күрсәтеп, бер-беребезгә бәхиллек биреп, әти-әниләребезне сөендереп, шушы ункөнлекне һәм гомеребезнең калган өлешен матур итеп үткәрик.