Иң кечкенә чаңгычыга – 4 яшь!

Быелгы V "Мари-лыжня" ярышлары Бимада узды. 300дән артык спорт сөюче, шуның кадәр үк җанатарны җыйган бәйгедә катнашучыларның иң кечкенәсенә 4 яшь булса (Пеләмештән Ирина Михайлова), иң өлкәне - Виталий Субаевка (Күләгәш) 67 яшь иде.
Бәйгедә яңа традициягә дә нигез салынды: быелдан башлап бу ярышларда "табиб призы" да тапшырылачак. Әлеге приз сәламәт яшәү рәвешен сайлаучыга бирелә. Быелгы бүләккә моннан бер ел элек тәмәке тартуын ташлаган Леонид Миляев лаек булды.