Мобилизацияләүгә 300 мең резервист эләгәчәк

Россиядә өлешчә мобилизацияләүгә резервтагы 300 мең кеше эләгәчәк. Эш этаплап башкарылачак, кешеләр аның астына бер үк вакытта эләкмәячәк. Бу хакта гражданнарга мөрәҗәгатендә РФ Саклану министрлыгы башлыгы Сергей Шойгу игълан итте.

«Шуны әйтәсем килә, бу бер тапкыр булачак эш түгел, бу –  планлы рәвештә башкарылачак эш, –  дип билгеләп үтте ул. – Ягъни монда бар кешене дә берьюлы алу өчен киң колачлы эш каралмый».

Искәртеп узабыз, бүген РФ Президенты Владимир Путин Россиядә өлешчә мобилизация үткәрү турында игълан итү турындагы карарны имзалады.

Чыганак