Тукайның вафатына – 100 ел

15 апрельдә бөек шагыйребез Габдулла Тукайның вафатына 100 ел тула. Бер гасыр вакыт узса да Тукай, аның иҗаты бүген дә үлемсез.
27 яшендә үк гомере өзелсә дә, үзе исән чагында ук ул халык шагыйре булып таныла. Иҗатында күтәрелгән милләт һәм дәүләтләр язмышы, милли мәдәният һәм тел, халыклар тигезлеге, гореф-гадәтләрне саклау һәм үстерү мәсьәләләре бүген дә актуаль. 15 апрельдә башкалабыз Казанда Тукай истәлегенә багышланган бик күп чаралар үткәреләчәк.