Уңышлар сөендерә

Июль аенда Чабаксарда IX Бөтенроссия авыл уеннарында районыбызның армспорт буенча каты куллы кыз-егетләре зур җиңүләр яулап кайтканнар иде.
Узган атнада Казанда ТР Авыл хуҗалыгы һәм азык-төлек министрлыгы уздырган көрәш бәйгесен ачу тантанасында әлеге уеннарда районыбыз данын яклап I һәм II урыннар алган Руслан Закиров, Гөлчәчәк Хәкимова, Айрат Сәетовны, аларның тренеры Сирин Галиуллинны ТР Авыл хуҗалыгы министры Марат Әхмәтов котлады һәм акчалата премияләр тапшырды.