Башкортстан фермеры хатын-кызларны атлар ярдәмендә бәйрәм белән котлаган (ВИДЕО)

Башкортстанда атлар үрчетүе фермер Сәгыйтҗан Идиятуллин бәйрәм көнне үзенең инстадусларын гаҗәпкә калдырган. Фермер басудагы кар өстенә печән белән «8 Март» дип язган. Фермадан чыгаргач, меңләгән ат, тезелешеп басып, печән ашарга тотынган. Ул арада «җанлы язу»ны видеога төшереп алганнар. Шул рәвешле фермер республика хатын-кызларын Халыкара хатын-кызлар көне белән тәбрик иткән, дип яза «Каймаклар» башкорт аккаунты.

«Мондый котлау дөньяда беренче тапкырдыр», «Фантазия көчле, вәт булдырган, нинди матур күренеш! Атлар бик акыллы бит алар», «Искиткеч, сокланам шундый кешеләргә», — дип комментарийлар яза инстачылар. 

«Атлар шулай печәнгә ябырылсын өчен мескен малкайларны ничә көн ач тотарга кирәк икән?» — дип тәнкыйтьләүче дә очраган.

«Тамак тәмугка кертә инде ул шулай», — дип җавап кайтарганнар аңа.

«Шәп булган. Киләсе елга бал кортларыннан эшлә әле, яме», — дип киңәш тә биргәннәр фермерга.

Чыганак: Интертат 

Фото

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Ҡаймаҡ • Каймак (@kaymaktar)