Әгерҗедән беренче ярдәм партиясе Казанга җибәрелде

Бу атнада Әгерҗедә Донецк һәм Луганск өлкәләреннән чыгарылган гаиләләр өчен гуманитар ярдәм җыю оештырылды. Күпчелек битараф булмаган райондашларыбыз һәм шәхси эшмәкәрләр ярдәм күрсәтү теләген белдереп, бу игелекле эштә катнашты.

Кыска вакыт эчендә озак саклана торган продуктлар, көнкүреш химиясе һәм шәхси гигиена чаралары, шулай ук башка әйберләр җыелды.

Әгерҗедән беренче гуманитар партия кичә Казанга җибәрелде дә инде. Яшьләр үзәге хезмәткәрләре һәм Яшьләр парламенты активистлары йөзендә оештыручылар ярдәм кулын сузучыларга зур рәхмәт белдерәләр.