Җылылыкка тарифлар артты

ТР Тарифлар буенча Дәүләт Комитетының "Кулланучыларны җылылык белән тәэмин итүче оешмаларның җылылык энергиясенә тарифлар билгеләү турында"гы карары нигезендә Әгерҗе шәһәрендә 1 сентябрьдән җылылык энергиясенә тарифлар артты. Элек 1 Гкал җылылык энергиясе тарифы 1120 сум булса, 1 сентябрьдән - 1195,85 сум.
Күпфатирлы йортта җылылыкны исәпләүче гомумйорт приборы куелмаган икән, бу йортта яшәүчеләр җылылык өчен елның 8 аенда, ягъни сентябрь-апрель айларында гына түләячәкләр. ТР Төзелеш, торак-коммуналь хуҗалык һәм архитектура министрлыгының быелның 21 августында кабул иткән карары нигезендә май-август айларында җылылык өчен түләүләр исәпләнмәячәк. Әлеге карар нигезендә 1 сентябрьдән гамәлгә кергән тарифларны тәкъдим итәбез:
- 1999 елга кадәр төзелгән һәм үзәктән җылытыла торган йортларда җылыту өчен кулланыла торган коммуналь хезмәтләр нормативы 1-4нче катларда бер квадрат метрга 0,02668 Гкал, 5нче каттагыларга - 0,02315 Гкал.
- 1999 елдан соң төзелгән йортларда бер квадрат метрга 1нче катта - 0,01882, 2нчедә -0,01584, 3нчедә - 0,01559, 4-5нче катларда 0,01346 Гкал.
Нәтиҗәдә, җылылык өчен хезмәтләргә бер квадрат метр өчен түләү якынча 25 процентка артыр дип көтелә.
"Управление-ЖКХ", "Жилсервис" җәмгыятьләре.