Әгерҗе районында җиде кеше коронавирус белән авырый

Соңгы тәүлектә коронавирус буенча район штабына үзизоляция режимы белән бәйле 17 мөрәҗәгать кабул ителгән. Азык-төлек һәм дарулар алып кайтуга кагылышлы 6 шалтырату булган.

• Коронавирус белән авыручылар саны җиде: өчесе – Әгерҗедә, икесе – Исәнбайда, Мадык, Барҗы-Умгада – берәр, – дип хәбәр итә штаб җитәкчесе Римма Гыйльметдинова. – Бер кеше терелгән дип исәпләнә. Аның белән контактта булучыларның тест нәтиҗәләре дә тискәре. Шул уңайдан 15 кеше исәптән төшерелде. Роспотребнадзор карары буенча 57 кеше күзәтүдә тора. Аларның 11е – төрле төбәкләрдән кайтучылар.