Әгерҗе районында сайлауларга килү туксан проценттан артык тәшкил иткән

ТР Президентын һәм җирле үзидарә органнарына депутатлар сайлауда Әгерҗе районының тавыш бирергә хокукы булган 22278 кешесе катнашты. Бу сайлаучыларның гомуми саныннан 90,3 процент тәшкил итә.

Территориаль сайлау комиссиясе мәгълүматларына караганда, хәзерге ТР Президенты Рөстәм Миңнеханов өчен 19795 тавыш бирелгән, Альмир Михеев өчен – 772, Альфред Вәлиев өчен – 591, Владимир Сурчилов өчен – 494, Олег Коробченко өчен – 473 тавыш.