Махсус операция зонасына ничек посылка салырга

Район хәрби комиссариатыннан хәбәр итүләренчә, хәрби хезмәтне контракт буенча узучы яки өлешчә мобилизация буенча чакырылучы гражданнарның туганнары махсус хәрби операция зонасына почта бүлекчәләре аша хат, посылка, бандероль юллый алалар.

Махсус операция узу зонасына 20 граммга кадәр авырлыкта хат, 2 килога кадәр авырлыкта бандероль һәм 10 килога кадәр авырлыкта посылка җибәрергә була. Аларга түбәндәге адресны куярга кирәк: индекс 103400, Мәскәү-4000 һәм хәрби часть номеры. 

Туганыгыз хезмәт итә торган часть номерын район хәрби комиссариаты аша белергә мөмкин. 

Хат, бандероль, посылка “Россия почтасы” бүлекчәләре аша юллана.