Маймылларның чәчәк авыруы Россиягә килеп җиткән

Россиядә маймылларның чәчәк авыруының беренче очрагы теркәлгән, дип хәбәр итә Роспотребнадзор.

Ул Европа илләре буйлап сәяхәттән кайткан яшь егеттә ачыкланган. Авыруны шунда ук изоляцияләгәннәр, хәзерге вакытта ул йогышлы авырулар медицина оешмасында. Чире җиңел формада уза, пациентның тормышы өчен куркыныч юк.
Россиядә булган вакытта авыруның контактлары чикләнгән булган. Фатирда үзе генә яшәгән. Аның белән контактта булганнар медицина күзәтүе астында.

Чыганак: Шәһри Казан