Мошенниклар хәрби операциягә ярдәм җыю турында ялган мәгълүмат тарата башлаган
Сак булыгыз
Кешеләр төрле банклардан бер хезмәткә автомат рәвештә тоташкан очракта счеттан ай саен, имештер, махсус хәрби операция ихтыяҗларына акча тотып калыначагы турында мәгълүмат белән хәбәрләр ала башлаган.
Алга таба хәбәр ителгәнчә, бу хезмәттән баш тарту өчен хәбәрдәге сылтама буенча күчәргә кирәк. Әмма сылтама буенча күчкән вакытта кешеләрнең счетлардагы акчаларыннан колак кагу куркынычы бар.
Өстәвенә, телефонга хуҗасы турында теләсә нинди шәхси мәгълүматны (фото, хат язышу яки паспорт мәгълүматлары) тапшырырга сәләтле зарарлы программа урнаштырылырга мөмкин.
Татарстан прокуратурасы кисәткәнчә, мондый хәбәрләр алган очракта банкның кайнар элемтәсенә шалтыратырга яки якындагы бүлеккә мөрәҗәгать итәргә кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев