Өйгә чебен тулмасын өчен нишләргә?

Өйгә чебеннәр кереп тулмасын өчен берничә ысул «Киңәшләр» сайтында чыкты.

Мәсәлән, аш серкәсе эремәсе кулланып була. 1 литр суга 100 мл аш серкәсе салыгыз. Шушы эремәдә чүпрәкне чылатыгыз да тәрәзә рамнарын һәм ишекләрне сөртеп чыгыгыз. Чебеннәр аш серкәсе исен яратмый.

Әгәр үзегез аш серкәсе исе яратмасагыз, эфир майлары кулланыгыз. Бу очракта бөтнек, лаванда, эвкалипт, базилик исле май кирәк. Су салынган пульверизаторга эфир маен 8-10 тамчы салыгыз да болгатыгыз. Шушы эремәне өйгә сибеп чыгыгыз, диелә хәбәрдә.

Чыганак: Интертат