Районда ягып җылыту сезоны башлана

Киләсе атнадан Әгерҗе районында ягып җылыту сезоны башлана. Бу хакта Әгерҗе районының инстаграмдагы рәсми аккаунтында хәбәр ителә.

13 сентябрьдән социаль әһәмияткә ия объектлар һәм торак йортларны җылыга тоташтыра башлаячаклар.

Тәүлеклек уртача температура җылылык җибәрү турында карар кабул итәргә мөмкинлек бирә, дип аңлаттылар администрациядә.

Әгәр сезнең йортыгызда күрсәтелгән срокларда җылылык килмәсә, йорт эчендәге челтәрләрне тикшерү һәм һава калдыкларын бетерү өчен идарәче компаниягә мөрәҗәгать итүегезне сорыйбыз.